काठमाडौँ, १२ वैशाख । नेपाल स्टक एक्सचेञ्ज (नेप्से) आज ३४.९५ अंकले घटेर दुई हजार ३ सय ८६ दशमलब १ अंक बन्द भएको छ ।
आइतबार ९६ अंकले बढेको नेप्सेमा सोमबार ३४ अङ्कले घटेको छ । नेप्सेमा ५० लाख ४७ हजार कित्ता सेयर खरिद बिक्रीभएको छ भने दुई अर्ब चार करोड २२ लाख रुपैयाँको कारोबार भएको छ ।
सोमबार नेप्सेमा १ सय ६३ कम्पनीका सेयरधनीले ठूलो रकम गुमाउँदा जम्मा २७ कम्पनीका सेयरधनीले नाफा कमाएका छन् । शेयर बजारमा लाईफ र नन् लाईफ इन्स्योरेन्स कम्पनीका सेयरधनीले सबैभन्दा धेरै घाटा व्यहोर्नु परेको छ ।
