दमक, १७ असोज। झापाको हल्दिबारीमा जङ्गली हात्तीको आक्रमणमा परेर एक वृद्धको ज्यान गएको छ । हल्दिबारी गाउँपालिका –३ का ६५ वर्षीय वृद्ध वाङदी गुरुङको हात्तीको आक्रमणमा परेर ज्यान गएको हो ।
बिहीबार बिहान ९ बजेको समयमा हल्दिबारी–३ स्थित रणकाली सामुदायिक जङ्गलमा घाँस काटेर फर्कने क्रममा गुरुङमाथि हात्तीको हुलले आक्रमण गरेको जिल्ला प्रहरी कार्यालय झापाका प्रवक्ता कृष्णकुमार चन्दले जानकारी दिनुभयो ।
एक दर्जनको सङ्ख्यामा आएका हात्तीले लखेटेर लछारपछार गरी कुल्चिएर मारेको प्रारम्भिक अनुसन्धानबाट खुलेको चन्दले बताउनुभयो । वृद्धको घटनास्थलमै मृत्यु भएको समेत जनाइएको छ ।
