झापा , २८ जेठ । झापाको कचनकवलमा हात्तीलाई छेक्न आफैले लगाएको तारबारमा प्रबाह गरेको करेन्ट लागेर एकजनाको घटनास्थलमै मृत्यु भएको छ ।
आज बिहान ८ः३० बजे कचनकवल गाउँपालिका ७ बैगुनबारी बस्ने ६५ वर्षीय किर्खनाथ खनाल आफ्नै बारीमा बाख्रा चराउनको लागि गएकोमा तारबारमा छुन पुगी घटनास्थलमै मृत्यु भएको हो ।
थप अनुसन्धानको लागि जिल्ला प्रहरी कार्यालय झापाबाट प्रहरी निरीक्षक बिजय चौहानको कमाण्डमा प्रहरी टोली गएको डीएसपी खगेन्द्र खड्काले जानकारी दिनुभयो ।
यसअघि जेठ २३ गते कनकाई वडा नं. २ जामुनखाडीमा हात्तीलाई छेक्न लगाएको तारबारबाट करेन्ट लाग्दा ८ जना घाइते भएका थिए ।
