भारतमा निर्वाचनः बिजेपी ४ र आपलाई १ राज्यमा बहुमत, काँग्रेसको अवस्था नाजुक

काठमाडौँ, २७ फागुन । भारतका पाँच राज्यमा भएको विधानसभा निर्वाचनमा सत्तारुढ दल भारतीय जनता पार्टीले चार राज्यमा र आम आदमी पार्टी (आप)ले एक राज्य बहुमतसहित सरकार बनाउने भएको छ ।

बिजेपीले उत्तरप्रदेश, उत्तराखण्ड, मणिपुरमा प्रचण्ड बहुमतसहित जितेको छ । गोवाको ४० सिट मध्ये २० सीटको बहुमत प्राप्त गरेको भारतीय सञ्चारमाध्यमले जनाएका छन् । यसैगरी दिल्लीमा सरकार बनाएको आपले पंजावमा प्रचण्ड बहुमत ल्याएर विजयी बनेको छ ।

काँग्रेसले पंजवामा १८, उत्तराखण्ड २५ र गोवामा १२ सिट जितेर प्रमुख प्रतिपक्ष दल बनेको छ । उत्तरप्रदेश र मणिपुरमा भने काँग्रेसको अवस्था नाजुक देखिएको छ । उत्तर प्रदेशमा २ सिट र मणिपुरमा काँग्रेसको गठबन्धनले जम्मा ५ सिट मात्र जितेर लज्जाजनक हार व्यहोरेको छ ।