काठमाडौँ, १० चैत । जनता समाजवादी पार्टी (जसपा)का संघीय परिषद् अध्यक्ष डा.बाबुराम भट्टराईले नेपाली राजनीतिमा तीन धार हुने दाबी गरेका छन् ।
कम्युनिष्ट पार्टी टुक्राटुक्रा भएकाले अबको मूल पार्टी भनेको जसपा नै हुने दाबीसमेत उनले गरेका छन् ।
उनले ट्वीटरमा लेखेका छन्, ‘नेपाली राजनीतिको दुई हैन तीन धार हुनेछ है । कांग्रेसको उदारवादी लोकतान्त्रिक धार कायमै रहने वस्तुगत आधार छ । कम्युनिष्ट ब्राण्ड जति टुक्रा भए पनि त्यो एउटै धार हो र केही समय रहन्छ । अर्को तत्काल सानो तर, भविष्यमा बढ्दै जाने र मूलधार बन्ने समावेशी लोकतान्त्रिक धार हो जसपा त्यसको भ्रूण हो ।’
उनले कम्युनिष्ट पार्टी टुक्रा भए पनि एउटै धार भएकाले अझै केही समय रहने विश्लेषण गरेका छन् ।
https://twitter.com/brb1954/status/1506840167646363655?ref_src=twsrc%5Etfw%7Ctwcamp%5Etweetembed%7Ctwterm%5E1506840167646363655%7Ctwgr%5E%7Ctwcon%5Es1_&ref_url=https%3A%2F%2Fthahakhabar.com%2Fnews%2F148585%2F
