काठमाडौँ, ७ माघ । प्रतिनिधिसभाका सभामुख देवराज घिमिरेले प्रतिनिधिसभा अन्तर्गतका समितिका सभापतिहरूसँग छलफल गरेका छन् ।
आइतबार आफ्नै कार्यकक्ष सिंहदरबारमा सभामुखले सभापतिहरूसँग छलफल गरेका हुन् । छलफलमा समितिमा रहेका विधेयकहरुको अवस्था लगायतका विषयमा कुराकानी भएको बताइएको छ ।
प्रतिनिधिसभा अन्तर्गत १० वटा समितिमा संवैधानिक परिषद्, विद्यालय शिक्षा, टिआरसीलगायत महत्वपूर्ण विधेयकहरू विचाराधीन छन् ।
