काठमाडौं, ९ साउन । नेपाल नागरिक उड्डयन प्राधिकरणले सौर्य एयरलाइन्सको जहाज दुर्घटना हुँदा १८ जना मृत्यु भएको पुष्टि गरेको छ ।
बिहान जहाज दुर्घटना हुँदा १८ जनाको मृत्यु र एक जना घाइते भएको प्राधिकरणको खोज तथा उद्धार समन्वय केन्द्रले विज्ञप्तिमार्फत जानकारी दिएको हो ।
प्राधिकरणका अनुसार अनुसार बिहान ११स्११ बजेमा पोखरा उडानको क्रममा उड्ने बितिकै दाहिनेतिर मोडिने क्रममा रनवेको पूर्वतिर दुर्घटनाग्रस्त भएको उल्लेख गरेको छ ।
विमान दुर्घटनाको दृश्य पनि सार्वजनिक भएको छ । भिडिओमा जहाज टेकअफ भइसकेपछि दाहिनेतिर मोड्ने क्रममा सिधै जमिनमा खसेको देख्न सकिन्छ । जहाज खसे लगत्तै आगो र धुवाँको मुस्लो भिडिओमा देखिन्छ ।