काठमाडौं, १ कार्तिक । बुद्ध एयरको विमानमा प्राविधिक समस्या देखिएको छ ।
बिहीबार बिहान उडान नम्बर १०० मा रहेको विमानको दायाँ इन्जिनमा प्राविधिक समस्या देखिएपछि विमानलाई डाईभर्ट गरी काठमाडौँ विमानस्थलमा सुरक्षित अवतरण गराइएको बुद्ध एयरले जानकारी दिएको छ । अहिले विमानको प्राविधिक टोलीले चेकजाँच गरिरहेको बताइएको छ ।
बुद्ध एयरले यस बारेमा जानकारी दिँदै भनेको छ- ‘आज बिहान उडान नं 100, जहाज 9N-AJS मा दायाँ इन्जिनमा प्राविधिक समस्या देखिएको हुँदा जहाजलाई डाईभर्ट गरी काठमाडौँ विमानस्थलमा सुरक्षित अवतरण गराइएको छ । हाम्रो प्राविधिक टोलीले जहाजको चेकजाँच गरिरहेका छन् ।’
