जनकपुर, १० मंसिर । नेपाली कांग्रेसका सभापति तथा पूर्व प्रधानमन्त्री शेरबहादुर देउवाले कांग्रेसीहरू एक ढिक्का भएर जानुपर्ने बताउनुभएको छ । सोमबार मधेश प्रदेशको राजधानी जनकपुरधाम आउन लाग्नुभएका सभापति देउवाले यस्तो बताउनुभएको हो ।
जनकपुरधाम उमहानगरपालिका–२५ लोहनामा पार्टीले आयोजना गरेको एक कार्यक्रममा सहभागी हुन आउनुभएका कांग्रेस सभापति देउवाले भन्नुभयो, पार्टीका साथीहरु, सबै जना मिलेर अघि बढ्नुपर्छ । प्रधानमन्त्री केपी शर्मा ओलीको चीन भ्रमण मित्रराष्ट्रको भ्रमण भएको बताउँदै उहाँले बिआरआई योजना अनुदानमा स्वीकार गर्ने बताउनुभयो ।
लोहनामा हक अधिकारका लागि जेलनेल भोगेका स्वर्गीय अरविन्द ठाकुरको प्रतिमा अनावरण गर्न सभापति देउवाको कार्यक्रम रहेको कांग्रेसका मधेश प्रदेश प्रचार विभाग प्रमुख नितेशकुमार गुप्ताले जानकारी दिनुभयो। सभापति देउवाको लोहनामा ठाकुरको प्रतिमा अनावरण गरेर बेलुका काठमाडौं प्रस्थान गर्ने कार्यक्रम रहेको प्रचार विभाग प्रमुख गुप्ताले बताउनुभयो ।
