Logo

राप्रपाले संसद बैठक भत्ता नलिने



काठमाडौं, २ असार। राष्ट्रिय प्रजातन्त्र पार्टी (राप्रपा) ले २०८२ असार एक गतेको प्रतिनिधि सभा बैठक बहिष्कार गरेको र उक्त बैठकको भत्ता नलिने निर्णय गरेको छ।

भिजिट भिसा प्रकरणमा संसद अवरुद्ध हुँदै गर्दा जबरजस्ती बैठक सञ्चालन गरेको भन्दै राप्रपाले नैतिक र सैद्धान्तिक आधारमा भत्ता अस्वीकार गर्ने निर्णय गरेको हो। प्रमुख सचेतक ज्ञानेन्द्र शाहीले संघीय संसद सचिवालयका महासचिवलाई पत्र लेखेर असार १ गते बसेको प्रतिनिधि सभाको बैठकमा सहभागी भए बापत प्राप्त हुने भत्ता अस्वीकृत गरेको जानकारी दिनुभएको हो । पार्टीले उठाएका मागहरूलाई बेवास्ता गरी जबरजस्ती बैठक सञ्चालन गरिएकाले यो भत्ता लिनु उचित नहुने उहाको भनाइ छ।

भिजिट भिसा प्रकरणलाई लिएर विपक्षीले सदन अवरोध गरिरहेको बेला जबरजस्ती बैठक चलाइएको भन्दै राप्रपाले आइतबारको बैठक बहिष्कार गरेको थियो । प्रतिनिधि सभामा राप्रपाका १३ सांसद छन् ।

प्रतिक्रिया दिनुहोस्