काठमाडौं, ८ मंसिर । राष्ट्र, राष्ट्रियता, धर्म, संस्कृति बचाउ अभियानका संयोजक दुर्गा प्रसाईंले प्रधानमन्त्री र गृहमन्त्रीको वचन राख्नका लागि पनि आफूहरूले आन्दोलनको स्वरूप परिवर्तन गरेको बताउनुभएको छ।
उहा सर्वोच्च अदालतको आदेशबाट आइतबार थुनामुक्त हुनुभएको हो। थुनामुक्त भएपछि प्रसाईंले प्रधानमन्त्री सुशीला कार्की र गृहमन्त्री ओमप्रकाश अर्यालसँगको वचन राख्न आन्दोलनको मोडल फरक पारेको बताउनुभयो।
सरकारसँगको वार्तापछि शनिबार राति दुर्गा प्रसाईँ समूहले मंसिर ७ गतेदेखिको लागि तय गरेको अनिश्चितकालीन आमहड्ताल रोकेको थियो।
उहाले मुलुक अप्ठेरो अवस्थामा भएको बेला आन्दोलनमा कसैले घुसपैठ गर्ला कि भन्ने कुरा आएपछि आफूहरूले आन्दोलनको स्वरूप फेर्ने निर्णय गरेको बताउनुभयो। उहाका अनुसार सरकारले १५ दिनका लागि पर्खिदिनुहोस् भनेपछि आफ्नो महाअभियानले त्यो कुरा सुनेको हो।
प्रसाईंलाई सोमबार राति प्रहरीले उहाकै निवासबाट पक्राउ गरेको थियो। उहाका छोराले दायर गरेको बन्दीप्रत्यक्षीकरण रिटमा सुनुवाइ गर्दै सर्वोच्च अदालतले उहालाई रिहा गर्न आदेश दिएको थियो।
