काठमाडौँ, २६ वैशाख । लोकप्रिय गायिका अस्मिता अधिकारी र गायक बल बहादुर राजवंशीको स्वरमा सुस्तरी सुस्तरीको म्युजिक भिडियो सार्वजनिक भएको छ । गीतमा नग्मा श्रेष्ठ र प्रवीण डिसीको अभिनय छ ।
गीतमा नवीन श्रेष्ठको शब्द तथा गीतलाई वरिष्ठ सङ्गीतकार नागेन्द्र श्रेष्ठले सङ्गीतबद्ध गरेका हुन् । गीतमा राहुल प्रधानको सङ्गीत संयोजन छ ।
यस्तै, दिनेश पराजुलीले छायाङ्कन गरेको यस भिडियोलाई अमृत चापागाईँले सम्पादन गरेका छन् भने जस बहादुर याक्खा (जसु)को निर्देशनमा भिडियो तयार पारिएको छ ।
