काठमाडौं, २० वैशाख । नेपाल र वेस्ट इन्डिज ‘ए’ बीच टी–२० सिरिजको चौथो खेल आज हुँदैछ । त्रिवि क्रिकेट मैदान किर्तिपुरमा हुने आजको खेल १२ः१५ बजेदेखि सुरु हुने छ । आजको खेलमा पनि नेपालले पहिला फिल्डिङ गनेृ भएको छ । टस जितेर वेष्टइन्डिजले ब्याटिङ गर्ने निर्णय लिएको छ ।
सिरिजमा अहिलेसम्म वेस्ट इन्डिज ए २-१ ले अगाडि रहेको छ । पहिलो खेल ४ विकेटले जितेको नेपाल त्यसपछिका दुवै खेलमा हार बेहोरेको थियो । नेपालले दोस्रो खेल १० रनले हारेको थियो भने तेस्रो खेल ७६ रनले हारेको थियो ।
यस सिरिजका लागि नेपालले २० सदस्यीय टिम छानेको छ । नेपाली टिममा कप्तान रोहितसहित आसिफ सेख, कुशल भुर्तेल, अनिल शाह, आरिफ सेख, सन्दीप जोरा, दिपेन्द्र सिंह ऐरी, कुशल मल्ल, गुलशन झा, ललित राजबंशी, करण केसी, सोमपाल कामी, प्रतिस जिसी, अविनाश बोहोरा, बिबेक यादव, आकास चन्द, विनोद भण्डारी, सागर ढकाल, कमलसिंह ऐरी र लोकेश बम रहेका छन् ।
