काठमाडौँ, १३ मङ्सिर । सुनको भाउ आज एकैदिन तोलामा एक हजार ६ सय रुपैयाँले बढेको छ ।
आज तोलामा एक लाख १९ हजार तीन सय रुपैयाँ पुगेको सुनको भाउ अहिलेसम्मकै उच्च हो ।
मंगलबार सुन तोलामा एक लाख १७ हजार ७ सय रुपैयाँ थियो । यो हप्ता आइतवारदेखि नै सुनको भाउ निरन्तर बढेको छ ।
त्यस्तै आज चाँदीको पनि भाउ बढेको छ ।
हिजो तोलाको एक हजार ५ सय रुपैयाँमा कारोबार भैरहेको चाँदी आज २० रुपैयाँले बढेर एक हजार ५ सय २० रुपैयाँ पुगेको छ । चाँदीको यो भाउ पनि अहिलेसम्मकै महँगो हो ।
