मेष(चू,चे,चो,ला,लि,लू,ले,लो,अ)
आर्थिक लेनदेनमा राम्रो फाइदा हुनेछ। खानपानमा अनियमितता हुँदा पेटसम्बन्धी समस्याले भने सताउन सक्छ। व्यापारमा नयाँ लगानी गर्न आजको दिन उत्तम छ। आजको शुभ रंग पहेलो हो भने शुभ अंक ३ रहेको छ।
वृष(ई,ऊ,ए,ओ,वा,वी,वू,वे,वो)
बोलीको प्रभाव बढ्नेछ तर अनावश्यक तर्कवितर्कबाट बच्नुहोला। पारिवारिक जमघटमा समय बित्नेछ र स्वादिष्ट भोजनको अवसर मिल्नेछ। छोटो अवधिको लगानीबाट आकस्मिक लाभ हुने योग छ। आजको शुभ रंग गुलाबी हो भने शुभ अंक ७ रहेको छ।
मिथुन (का,की,कू,घ,ङ,छ,के,को,हा)
आत्मबल र उत्साह उच्च रहनेछ। नयाँ योजना सुरु गर्नको लागि समय सकारात्मक छ। मौसम परिवर्तनको असरले रुघाखोकी लाग्न सक्ने हुँदा स्वास्थ्यको ख्याल गर्नुहोला। आजको शुभ रंग हरियो हो भने शुभ अंक ५ रहेको छ।
कर्कट (ही,हू,हे,हो,डा,डी,डु,डे,डो)
अचानक अनावश्यक खर्च बढ्नसक्छ। लामो दूरीको यात्रा वा वैदेशिक कामकाजको सिलसिलामा भने सफलता मिल्नेछ। आफन्तसँगको विवादबाट टाढै रहनु बेस हुनेछ। आजको शुभ रंग सेतो हो भने शुभ अंक २ रहेको छ।
सिंह (मा,मी,मू,मे,मो,टा,टी,टू,टे)
आम्दानीका नयाँ र दिगो स्रोतहरू फेला पर्नेछन्। साथीभाइ र इष्टमित्रको सहयोगले आँटेका काम सजिलै पूरा हुनेछन्। प्रेम सम्बन्धमा निकटता बढ्नुका साथै सन्तानको तर्फबाट खुसीको खबर सुन्न पाइनेछ। आजको शुभ रंग रातो हो भने शुभ अंक १ रहेको छ।
कन्या (टो,पा,पी,पू,ष,ण,ठ,पे,पो)
कार्यक्षेत्रमा तपाईंको जिम्मेवारी र प्रभाव दुवै थपिनेछ। हाकिम वा उच्च पदका व्यक्तिबाट राम्रो सहयोग र प्रशंसा मिल्नेछ। कामको व्यस्तताले गर्दा परिवारलाई पर्याप्त समय दिन भने गाह्रो पर्न सक्छ। आजको शुभ रंग खैरो हो भने शुभ अंक ६ रहेको छ।
तुला (रा,री,रु,रे,रो,ता,ती,तू,ते)
भाग्यको पूर्ण साथ मिल्ने दिन हो। धार्मिक आध्यात्मिक तथा परोपकारी कार्यमा रुचि जाग्नेछ। लामो समयदेखि अल्झिएका सरकारी वा कानुनी कामहरू आज सजिलै समाप्त हुनेछन्। आजको शुभ रंग नीलो हो भने शुभ अंक ८ रहेको छ।
वृश्चिक(तो,ना,नी,नू,ने,नो,या,यी,यू)
आजको दिन भावनात्मक सम्बन्धमा अलि सतर्कता अपनाउनुपर्नेछ। स्वास्थ्यमा अचानक समस्या आउन सक्छ सचेत रहनुहोस्। सवारी साधन चलाउँदा वा बाटो काट्दा विशेष ध्यान दिनुहोला। गोप्य कुराहरू अरुलाई नसुनाउनु नै हितकर हुनेछ। आजको शुभ रंग सिन्दुरी हो भने शुभ अंक ७ रहेको छ।
धनु (ये,यो,भा,भी,भू,ध,फा,ढा,भे)
दाम्पत्य जीवन सुखमय रहनेछ। जीवनसाथीको सल्लाहमा गरिएको कामले राम्रो प्रतिफल दिनेछ। व्यापारिक साझेदारीबाट आर्थिक लाभ लिन सकिनेछ। कार्य सम्झौतामा नयाँ प्रस्ताव आउन सक्छ। आजको शुभ रंग सुन्तला हो भने शुभ अंक ९ रहेको छ।
मकर (भो,जा,जी,जू,जे,जो,ख,खी,खू,खे,खो,गा,गी)
प्रतिस्पर्धी र विरोधीहरूलाई सजिलै पछि पार्न सकिनेछ। पुराना रोग वा स्वास्थ्य सम्बन्धी समस्याबाट छुटकारा मिल्नेछ। मामा वा मावली पक्षबाट आर्थिक सहयोग तथा राम्रो सल्लाह प्राप्त हुने योग छ। आजको शुभ रंग कालो हो भने शुभ अंक १ रहेको छ।
कुम्भ (गू,गे,गो,सा,सी,सू,से,सो,दा)
विद्यार्थीहरूका लागि आजको दिन निकै उत्कृष्ट रहनेछ। बौद्धिक र सिर्जनात्मक काममा सफलता मिल्नेछ। खेलकुद वा मनोरञ्जनका क्षेत्रमा समय बित्नेछ। निर्णय लिँदा हतार नगर्नुहोला। आजको शुभ रंग गुलाबी हो भने शुभ अंक ४ रहेको छ।
मीन (दी,दू,थ,झ,ञ,दे,दो,चा,ची)
घरायसी कामले तपाईलाई अल्झाउनेछ। बाहिरका महत्त्वपूर्ण काममा विषेश ध्यान दिनुहोला। आमाको स्वास्थ्यमा केही समस्या देखिन सक्छ। आज जग्गाजमिन वा सवारी साधनको खरिदबिक्री नगर्नु नै उचित होला। आजको शुभ रंग सुनौलो हो भने शुभ अंक २ रहेको छ।
राशिफल जे जस्तो भएपनि तपाईंको दिन मङ्गलमय रहोस् ।
