मेष(चू,चे,चो,ला,लि,लू,ले,लो,अ)
आफ्नो निर्णयमा दृढ रहनुपर्ने परिस्थिति आउला। कसैको दबाबमा परेर वाचा नगर्नुहोस्। लामो समयदेखि थन्किएको सामान वा कामको व्यवस्थापन गर्न मन लाग्नेछ। आजको शुभ रंग सिन्दूरी हो भने शुभ अंक ६ रहेको छ।
वृष(ई,ऊ,ए,ओ,वा,वी,वू,वे,वो)
घरमा पाहुना आउने वा आतिथ्यको प्रसंग बन्नेछ। भान्सा वा घरायसी व्यवस्थामा तपाईंको रुचि बढ्नेछ। जीवनसाथीको व्यवहारबाट मन प्रसन्न हुनेछ। आजको शुभ रंग पहेंलो हो भने शुभ अंक २ रहेको छ।
मिथुन (का,की,कू,घ,ङ,छ,के,को,हा)
बोलेको कुरा चाँडै अरूको ध्यानमा पर्नेछ। आफ्नो ज्ञान प्रयोग गरेर एउटा जटिल कुरा सरल बनाउन सक्नुहुनेछ। आफूभन्दा फरक सोच राख्ने व्यक्तिसँगको संवाद रोचक बन्नेछ। आजको शुभ रंग हरियो हो भने शुभ अंक ९ रहेको छ।
कर्कट (ही,हू,हे,हो,डा,डी,डु,डे,डो)
एक्लै बसेर सोच्नुपर्ने निजी विषयले प्राथमिकता पाउनेछ। पुरानो बोझ बिस्तारै पन्छाउने मनस्थिति बन्नेछ। खर्चको सट्टा घरको आवश्यकतालाई पहिले हेर्नु ठीक हुनेछ। आजको शुभ रंग चाँदी सेतो हो भने शुभ अंक ४ रहेको छ।
सिंह (मा,मी,मू,मे,मो,टा,टी,टू,टे)
समूहमा तपाईंको नेतृत्व खोजिनेछ। अरूलाई निर्देशन दिनुभन्दा काम बाँडेर अघि बढ्दा राम्रो नतिजा आउनेछ। रोकिएको पारिश्रमिक वा भुक्तानीबारे कुरा उठाउन सकिनेछ। आजको शुभ रंग सुनौलो हो भने शुभ अंक ७ रहेको छ।
कन्या (टो,पा,पी,पू,ष,ण,ठ,पे,पो)
कागजी विवरणभन्दा व्यवहारिक पक्षमा ध्यान दिनुपर्नेछ। पढाइ वा तालिममा सिकेको कुरा तुरुन्त प्रयोग गर्ने अवस्था आउन सक्छ। खानाको समय नमिलाउँदा पेटमा असर पर्न सक्छ। आजको शुभ रंग फिक्का हरियो हो भने शुभ अंक १ रहेको छ।
तुला (रा,री,रु,रे,रो,ता,ती,तू,ते)
मनोरञ्जन वा घुमघामका लागि समय निकाल्ने इच्छा जाग्नेछ। कुनै समारोहमा भेटिएको व्यक्तिसँग राम्रो मित्रता बन्न सक्छ। प्रेममा पुरानो रमाइलो सम्झनाले सम्बन्धमा न्यानोपन ल्याउनेछ। आजको शुभ रंग गुलाबी हो भने शुभ अंक ५ रहेको छ।
वृश्चिक(तो,ना,नी,नू,ने,नो,या,यी,यू)
घरभित्रको एउटा बिग्रिएको कुरा मर्मत गर्ने वा सुधार्ने प्रसंग आउला। आर्थिक विषयमा गोप्य कुरा सबैसँग बाँड्नु उचित हुँदैन। परिवारको ज्येष्ठ व्यक्तिबाट उपयोगी सल्लाह पाइनेछ। आजको शुभ रंग गाढा रातो हो भने शुभ अंक ८ रहेको छ।
धनु (ये,यो,भा,भी,भू,ध,फा,ढा,भे)
यात्रा गर्दा बाटोमा भेटिएको जानकारीले आगामी कामबारे सोच बदल्न सक्छ। व्यापारमा बाहिरी मानिससँग सम्पर्क बढाउने आवश्यकता देखिनेछ। प्रिय व्यक्तिको आवाज सुन्न पाउँदा मनमा छुट्टै आनन्द आउनेछ। आजको शुभ रंग बैजनी हो भने शुभ अंक ३ रहेको छ।
मकर (भो,जा,जी,जू,जे,जो,ख,खी,खू,खे,खो,गा,गी)
अरूका साना काममा अल्झिँदा मुख्य जिम्मेवारी पछाडि नपार्नुहोस्। आयको केही हिस्सा अलग राख्ने निर्णय लाभदायक हुनेछ। घरमा तपाईंको अनुशासनलाई सकारात्मक रूपमा लिइनेछ। आजको शुभ रंग कलेजी हो भने शुभ अंक ९ रहेको छ।
कुम्भ (गू,गे,गो,सा,सी,सू,से,सो,दा)
लामो समयदेखि नभेटेको व्यक्तिसँग पुनः कुराकानी हुन सक्छ। मनोरञ्जनभन्दा ज्ञान दिने गतिविधिमा समय लगानी गर्नु उपयोगी हुनेछ। निजी जीवनमा आफ्नो सीमा स्पष्ट राख्दा सम्बन्ध स्वस्थ रहनेछ। आजको शुभ रंग समुद्री हरियो हो भने शुभ अंक ४ रहेको छ।
मीन (दी,दू,थ,झ,ञ,दे,दो,चा,ची)
कुनै पुरानो रुचि फेरि जाग्नेछ र त्यसले दिनलाई रमाइलो बनाउनेछ। घरमा शान्त वातावरण खोज्ने चाहना बढ्नेछ। पैसासम्बन्धी निर्णयमा हतार नगरी केही दिन पर्खनु फाइदाजनक हुनेछ। आजको शुभ रंग हल्का पहेंलो हो भने शुभ अंक ६ रहेको छ।
राशिफल जे जस्तो भएपनि तपाईंको दिन मङ्गलमय रहोस् ।
