मेष(चू,चे,चो,ला,लि,लू,ले,लो,अ)
आज तपाईँमा नयाँ ऊर्जा र साहसी निर्णय लिने क्षमता बढ्नेछ। प्राविधिक वा रचनात्मक काममा सोचेभन्दा चाँडो प्रगति हुनाले कार्यस्थलमा प्रशंसा मिल्नेछ। पुराना अड्किएका समस्या सुल्झाउन आफ्नै सक्रियता फलदायी हुनेछ। आजको शुभ रंग गाढा रातो हो भने शुभ अंक ९ रहेको छ।
वृष(ई,ऊ,ए,ओ,वा,वी,वू,वे,वो)
कला साहित्य र लेखनको क्षेत्रमा विशेष अभिरुचि बढ्ने दिन छ। जग्गाजमिन वा भौतिक साधनको किनबेचसम्बन्धी कुराकानी हुनेछ। पारिवारिक वातावरण शान्त र प्रेमपूर्ण रहनेछ। आजको शुभ रंग सेतो हो भने शुभ अंक ६ रहेको छ।
मिथुन (का,की,कू,घ,ङ,छ,के,को,हा)
सञ्चार लेखन र मिडिया क्षेत्रमा जोडिएकाहरूका लागि आजको दिन निकै फलदायी रहनेछ। साथीभाइसँगका पुराना मनमुटाव हटेर जानेछन्। लामो समयको मेहेनतले फलदायी परिणाम दिनेछ। आजको शुभ रंग हलुका हरियो हो भने शुभ अंक ५ रहेको छ।
कर्कट (ही,हू,हे,हो,डा,डी,डु,डे,डो)
पारिवारिक वातावरण सुमधुर रहनेछ भने घरको सजावट वा आवश्यकतामा ध्यान केन्द्रित हुनेछ। बौद्धिक र भित्री चेतनाका आधारमा गरिएका निर्णयहरू पूर्ण रूपमा सफल हुनेछन्। नयाँ कार्ययोजना बनाउन आजको दिन उपयुक्त छ। आजको शुभ रंग सेतो हो भने शुभ अंक २ रहेको छ।
सिंह (मा,मी,मू,मे,मो,टा,टी,टू,टे)
उच्च अधिकारीहरूसँगको भेटघाटले नयाँ जिम्मेवारी वा पदोन्नतिको ढोका खोल्नेछ। सार्वजनिक छलफलमा तपाईँको भनाइको विशेष प्रभाव पर्नेछ। दिनभरि नै शारीरिक र मानसिक ऊर्जा उच्च रहनेछ। आजको शुभ रंग सुनौलो हो भने शुभ अंक १ रहेको छ।
कन्या (टो,पा,पी,पू,ष,ण,ठ,पे,पो)
हिसाबकिताब राख्न र दैनिक कार्यहरु व्यवस्थित गर्न आजको दिन उपयुक्त छ। नयाँ लगानि सुरु गर्दा दीर्घकालीन फाइदा हुनेछ। सहकर्मीहरूलाई दिएको सल्लाह उपयोगी सिद्ध हुनेछ। आजको शुभ रंग गाढा हरियो हो भने शुभ अंक ७ रहेको छ।
तुला (रा,री,रु,रे,रो,ता,ती,तू,ते)
व्यापारिक साझेदारी र नयाँ सम्झौताहरूका लागि आजको समय निकै अनुकूल छ। सौन्दर्य र डिजाइनसम्बन्धी काममा राम्रो प्रतिफल पाइनेछ। कानुनी वा नीतिगत मामिलाहरू तपाईँकै पक्षमा रहनेछन्। आजको शुभ रंग आकाशे नीलो हो भने शुभ अंक ४ रहेको छ।
वृश्चिक(तो,ना,नी,नू,ने,नो,या,यी,यू)
गहन अध्ययन अनुसन्धानमा ध्यानाकर्षण हुनेछ। अप्रत्याशित स्रोतबाट आर्थिक लाभ वा नयाँ लगानीको अवसर प्राप्त हुन सक्छ। विरोधीहरूपनि तपाईँको कार्यशैलीबाट प्रभावित हुनेछन्। आजको शुभ रंग कलेजी हो भने शुभ अंक ८ रहेको छ।
धनु (ये,यो,भा,भी,भू,ध,फा,ढा,भे)
अध्ययन र बौद्धिक कार्यमा नयाँ उचाइ हासिल हुनेछ। गुरुजन वा पाका व्यक्तिहरूको मार्गदर्शनले दीर्घकालीन योजना बनाउन ठूलो मद्दत पुग्नेछ। टाढाको यात्रा वा भ्रमणको रूपरेखा तयार हुनेछ। आजको शुभ रंग चम्किलो पहेंलो हो भने शुभ अंक ३ रहेको छ।
मकर (भो,जा,जी,जू,जे,जो,ख,खी,खू,खे,खो,गा,गी)
कडा अनुशासन र लगनशीलताका कारण रोकिएका ठूला परियोजनाहरू अघि बढ्नेछन्। कार्यस्थलमा माथिल्लो तहका व्यक्तिहरूबाट पूर्ण समर्थन र भरोसा पाइनेछ। धैर्यताका साथ गरिएको कामले दूरगामी नतिजा दिनेछ। आजको शुभ रंग गाढा नीलो हो भने शुभ अंक १ रहेको छ।
कुम्भ (गू,गे,गो,सा,सी,सू,से,सो,दा)
सामाजिक कार्य र नयाँ प्रविधिको प्रयोगमा विशेष सफलता मिल्नेछ। विचार मिल्ने व्यक्तिहरूसँगको नेटवर्किङले भविष्यका लागि नयाँ ढोका खोल्नेछ। आम्दानीका नयाँ बाटाहरू पहिल्याउन सकिनेछ। आजको शुभ रंग नीलो हो भने शुभ अंक ३ रहेको छ।
मीन (दी,दू,थ,झ,ञ,दे,दो,चा,ची)
कल्पनाशीलता र आध्यात्मिक चिन्तनमा मन रमाउनेछ। संगीत, चित्रकला वा अन्य सिर्जनात्मक विधामा नयाँ प्रेरणा प्राप्त हुनेछ। अरूप्रति देखाएको सहानुभूति र सहयोगले आत्मिक सन्तोष दिलाउनेछ। आजको शुभ रंग केसरी हो भने शुभ अंक ५ रहेको छ।
राशिफल जे जस्तो भएपनि तपाईंको दिन मङ्गलमय रहोस् ।
