बिर्तामोड, १३ पुस । मनकामना क्याम्पस साहित्यिक परिवारले साहित्यिक रचना वाचन कार्यक्रम शुक्रबार सम्पन्न गरेको छ ।
परिवारका अध्यक्ष प्रियंका उप्रेतीको सभापतित्वमा भएको कार्यक्रममा मनकामना क्याम्पस प्रमुख प्रेमप्रसाद भट्टराई, सहायक क्याम्पस प्रमुख राजेन्द्र प्रसाईं, क्याम्पसका शैक्षिक संयोजक कुमार थपलिया, प्राध्यापक सुरेश खतिवडालगायतको उपस्थिती रहेको थियो ।
उक्त कार्यक्रममा विद्यार्थीहरुले क्रमश: गजल, गित, मुक्तक, कविता आदि प्रस्तुत गरेका थिए ।
सो कार्यक्रममा सहायक क्याम्पस प्रमुख प्रसाईं, क्याम्पसका शैक्षिक संयोजक थपलिया लगायतले आ-आफना धारणा राखेका थिए ।
परिवारका सचिव भरत प्रसाईंले मन्तव्यबाट स्वागत गरेको कार्यक्रमको सञ्चालन सदस्य सुजन कठेतले गरेका थिए ।
विद्यार्थीहरुमा रहेको अन्तरनिहित प्रतिभालाई उजागर गर्ने उद्देश्यले मनकामना कलेज बिर्तामोडमा वि.सं.२०७२ सालमा स्थापित यस परिवारले विभिन्न समयमा विविध कार्यक्रमहरु गर्दै आएको छ ।
