विर्तामोड ४ बैशाख । झापाको बिर्तामोडमा नक्कली सुन देखाई ठगी गर्ने एकजना भारतीय नागरीक पक्राउ परेका छन् । पक्राउ पर्नेमा भारत सिलिगडी बस्ने ५४ वर्षीय शेरबहादुर गिरी रहेका छन् ।
उनलाई हिजो दिउँसो बिर्तामोड नगरपालिका वडा नं.५ शनिश्चरे रोडवाट नियन्त्रणमा लिइएको हो । बिर्तामोड नगरपालिका वडा नं.५ शनिश्चरे रोडमा बुद्धशान्ति गाउँपालिका वडा न २ बस्ने ४५ वर्षीया सविता सिटौलालाई गिरीले ‘मसंग काँचो सुन छ। तपाईलाई म ६० हजारमा काँचो सुन दिन्छु’ भनी ललाई फकाई ६० हजार रकम लिई सवितालाई बिस्कुट जस्तो आकारको नक्कली सुन दिएर ठगी गरेका थिए ।
पीडितले इलाका प्रहरी कार्यालय बिर्तामोडमा जानकारी गराउना साथ उक्त कार्यालयबाट खटिएको प्रहरी टोलीले गिरीलाई शनिश्चरे रोडमावाट नियन्त्रणमा लिई सो घटना सम्बन्धमा थप अनुसन्धान भइरहेको जिल्ला प्रहरी कार्यालयले जनाएको छ ।
